News

He whakatutukihanga matihiko nui mā Vodafone me Te Rūnanga o Ngāi Tahu

He kaupapa mahi ngātahi e whai nei kia whai hua ake ai ngā whānau puta noa i Te Waipounamu

Kua waitohungia e Vodafone Aotearoa me Te Rūnanga o Ngāi Tahu tētahi whakaaetanga rautaki e mahi ngātahi ai rāua, otirā, e aro ai te iwi me te whakahaere ratonga matihiko ki tētahi hōtaka mahi, ko ngā whāinga taurua kia nui ake ngā hononga matihiko i roto i te iwi, kia whakapakari anō i te taha ki te kanorau i te rāngai hangarau.

Ko tā tēnei pātuitanga he whakapakari ake i te hononga pātata, mauroa anō hoki i waenga i a Vodafone me Te Rūnanga o Ngāi Tahu, otirā, i tā Vodafone rautaki whanaketanga Māori, i a Whārikihia, e whai nei ki te whakatakoto i te tūāpapa puta noa i te whakahaere kia renarena ake ai te taukaea ki Aotearoa.

Ko tā te tumu whakarae o Vodafone Aotearoa, ko tā Jason Paris, e whai ana te whakaaetanga i tā Vodafone whakaū i ana herenga ki Te Tiriti o Waitangi, he mea whakapaoho i te Hūrae, otirā, māna e whai hua ai ngā taha e rua.

Hei tāna, “Ko ēnei whakahaere e rua e ngākau whakaute ana, otirā, e awhero nui ana kia hua mai he Aotearoa e whai hua ake ana ki ngā whakareanga e pihi mai ana.”

“Mā roto mai i tēnei pātuitanga, e oati nei a Vodafone me Ngāi Tahu ki te para i tētahi huarahi toitū ki te whakahaere kaupapa e whai hua ai, kaua ko ngā whakahaere e rua anake, engari ko te tokomaha e noho ana ki Te Waipounamu. Ehara i te mea ko ngā hua ā-hangarau anake ka whai wāhi ki ēnei kaupapa, engari ka puta hoki he ara whai mahi, ka kaha ake te torohia o te ao matihiko, tae atu ki ngā kaupapa e hua ake ai he kōwhiringa huanui mā te rangatahi i te takiwā o Ngāi Tahu.”

E whai wāhi nui atu ana ki te angitu o te pātuitanga ko te whakaritenga mai o tētahi pae urungi ka arahina ngātahitia, ko ngā pou whakahaere o Vodafone me Ngāi Tahu ka uru atu, ko tā rātou he ārahi i te taha ki te kōkiritanga o te hōtaka mahi ā-tau, e whakatinanahia ai te whakaaetanga mahi ngātahi.

Ko tā te tumu whakarae o Te Rūnanga o Ngāi Tahu, ko tā Arihia Bennett, e kaikā ana a Ngāi Tahu ki te whakapakari i tana whanaungatanga ki a Vodafone.

Ko tāna, “I tēnei tau, kua tino kitea me whanake ā mātou hanganga matihiko i Te Waipounamu, e kore ai te iwi e mahue i te whārua matihiko.”

“E kaikā ana a Ngāi Tahu ki te whakapakari i tēnei pātuitanga mā te tautohu, mā te whakatewhatewha hoki i ngā kaupapa motuhake, i ngā kaupapa nui, e taea ai he momo wānanga, he mahi ngātahi anō kia whai hua ai ngā taha e rua. E whai ana te whakaaetanga kia ngākau titikaha ai ki tētahi tirohanga ngātahi e pai ake ai ngā hua ka puta ki ngā whānau puta noa i Aotearoa, e parahia anō ai tētahi huarahi whakauruuru ki tētahi anamata matihiko, ki tētahi anamata pūkenga rau ā-hangarau nei, mō ā tātou tamariki, otirā, mō ngā whakareanga ka whai ake. Mō tātou, ā, mō kā uri ā muri ake nei.”

Latest News
18 January 2021
Vodafone launches SuperWifi, supporting a great in-home internet experience with high-tech mesh Wifi devices and customised support. Latest technology also provides customers with greater control over internet usage in the home.
28 December 2020
Vodafone customers use a record 52% more data this festive season, compared to 2019
18 December 2020
Additional connectivity is part of our commitment to the Rural Connectivity Group (RCG), and lights up areas around the country in time for Christmas holidays

Network Status

Mobile ›
Excellent Very Good Good Fair Low No Connection
Landline & Broadband ›
Excellent Very Good Good Fair Low No Connection

Internet Explorer Not Supported

Please note that we do not support Internet Explorer. For optimal browsing we recommend Chrome, Safari, or Firefox.